網紅的藏寶箱尋日整理文章我先發現，原來係呢度追文係非常麻煩，如果你miss左一回既話，要搵返都幾考你功夫
所以為左服務一班嫌麻煩而唔睇文既讀者，我決定幫你地整埋懶人包，大部份文章都已經上載到Patreon，放心放心唔好禁走住，唔係要你地課金，因為我set左免費發佈，所以你只需要點擊以下連結就可以睇到
以下五篇係我精選既文章（其實我仲寫左好多故事，張圖出唔晒）
離婚挽救系統－－探討愛情與婚姻的穿越故事，鐵達尼號世界的探險（比少少耐性睇到第五回就入戲），重點，第一部已完，可以放心觀看食用
https://bit.ly/3AF22fd
長傾不見－－史詩級長篇長氣之作，網戀的男女，每天激情對話，已有71回，仍然連載中，希望有真情咁長，上午八時更新
https://bit.ly/3o4x5NN
老婆最後的十二個難題－－生者與死者的永別交流，個人認為寫得最好最完整之作，由於仲係賣緊書既關係，所以只有頭五回試閱，喜歡既可以訂書
https://bit.ly/3ACMlVN
南極－－經典冒險作品，在南極發現的金字塔，隱藏什麼秘密？這故事已有書（但已斷貨）所以都放比大家睇，第二部方舟都已經寫到好長好耐無更新，相信近期會完埋佢（講左好多次）
https://bit.ly/3ACZAG5
是我，殺了奶奶－－懸疑作品，係我從未寫過既題材，連載中，唔怕死，唔怕追既就即管睇！！！！！！
https://bit.ly/2ZixfqA
另外仲有好多，例如《那天，我出席了一個葬禮》，《同學會重遇的那個人》，《伊甸》，《弊傢伙，我女朋友有咗》，《二十四歲的特首》，《商戰》
唔經唔覺都寫左超過十個故事（未計爛尾作品），想法太多，時間太少，希望大家見諒
我其實一直都好堅持想免費比大家睇到文章，亦有做到，故事從來都係寫完放埋結局先出書，我知只要我唔放結局焗買一定會好好多，但我無。
依家Patreon我想經營，但我係以唔影響正常免費更新既情況下去寫
希望你想支持我的話，可以比個like呢個post，share出去比朋友睇，真係免費睇故事，去邊搵！
如果你想課金支持我都好歡迎，但都先like左post先！
今個月我開左一個投票活動比Patreon訂閱會員，就係投票續寫故事，每一票都代表緊1000字你喜歡既故事，即係如果有100人投票想我寫《離婚挽救系統》的話，下個月我就要出10萬字比Patreon（優先）
最低5蚊美金就可以投票（不包含付費內容），而8蚊美金就可以睇到獨家長傾不見內容，12蚊美金可以睇埋8月9月獨享故事
如果文字有價，我諗我寫1000字既價，就係40蚊，即係每字0.04，好似平得有點過份……
對你講可能係叫少兩杯餐飲，但我真係會打字打足成個鐘先有1000字……呢個計劃只限本月，下個月我要檢討下自己可唔可以承受到咁既工作量！
多謝你睇到呢度，報告完畢，睇故吧
Search